唔做中唔做保唔做媒人三代好

我說出唔做媒人三代好這句話，並非要玩食字，慨嘆做傳媒工作者的悲哀，而是因想起一段對話有感而發。

話說某年仲夏，初出茅蘆的小伙子工作勤奮態度正確，甚得上司器重，每每互相推心至腹。題外話說完，進入正題。當時公司正值多事之秋，內憂外患，但人手甚缺，一日，上司能公走近正在埋頭苦幹的小華……

能公：「小華，忙緊？」
小華：「係呀，有事咩？」
能公：「無，公司等人用，你知架？」
小華：「知。我都好想快點有人來。依家咁做法真係唔掂。」
能公：「梗係，我明。你有無好介紹？」
小華：「你請唔到人？」
能公：「請到就唔使咁煩啦。」
小華：「你唔係見過阿比架咩？呢，我個朋友呀。你覺得點丫？」
能公：「唔掂呀。佢個測驗結果，唔掂呀。」
小華：「老細，你都知公司咩環境啦，唔到我地揀。我都同佢合作過，工作態度都可以架。講真，初初請我個陣你都驚啦，係咪？可能做落會改善呢。」
那時不知出於甚麼原因，可能受美國瑜珈愛好者的念力影響，小華竟然補多一句……
「我擔保佢得﹗」

就這樣，小華最終賴了野，相信能公也不好過。至於如何賴野如何不好過，此乃後話，按下不表。

近日我正打算向一位深閏寂寞的朋友介紹給我的另一好友認識，讓他們交通交通。寂寞朋友感激之餘，不禁向我打聽：「阿比呢？佢都無拖拍，你唔介紹畀佢先？」我當然沒回答。

其實，原因只有兩個，一，害人之心不可有，何況好友與我相識多年。

二，野，賴一次便夠。