愛很美

近日在巴士上看到路展上的一個廣告。講有個做伴娘的美女，自覺由細到大都比新娘子漂亮，希望在摰友的大日子讓她靚返一次。於是美女便以一身格仔衫牛仔褲紮馬尾的打扮出席婚禮。新娘子看見了，先是一呆，然後狀甚感動，雙方繼而攬頭攬頸親熱非常。原來那是一個珠寶廣告。

但我不覺得有何感動囉。

根本那個所謂美女就是人見人憎的有少少美貌就以為自己天上有地下無直頭是the chosen one那種。標奇立異，肯定她決定作causal打扮時的潛台詞是這樣的：「條醜八怪都唔知前世做左幾多好事扒到我頭結婚先不過算啦我咁靚女時刻都要keep住個靚樣著乜都咁靚著到乞兒咁都多佢二百個靚哈不如真係著得渣渣地當係豪一次俾佢啦況且我點都靚過佢啦係咪？」真令人討厭啊，我係新娘子一定嬲爆佢。