十年運程

無記收費台賣廣告，宣傳每年例牌的流年運程節目。女VO介紹說：「玄學家乜乜同物物仲會同你講下黎緊十年運程……」我仲問陳姑娘：「今年好特別咩？做乜會一卜就卜十年運程呢？」陳姑娘邊在梳化上滾動邊懶洋洋地答：「點知。」

細心一想，我覺得又是講稿員犯錯。撰稿那位應該是寫「玄學家乜乜同物物仲會同你講下黎緊10年運程」，10年，即是2010年啦，依家都怕且冇乜人會唔寫2010年反而寫二零一零年。然後，好肯定，那位講稿女應該是沒有細心思前想後理解上文下理，明明唔係讀「二零十年」都夠膽讀成「十年」吧。

看來又是時候請教視檀老Jer了。