Mean精理解世界的方式

「Mean精」理解世界的方式，和你我沒有兩樣，分別只在他能將抽象的事物具體地形容出來，令你有「哦原來如此」之嘆。

例一：元朗某地產店推介村屋盤，其中一個寫明「盡享日落景致」，我說：「真令人嚮往。」Mean精則會說：「見到日落，咁咪即係西斜？你住埋我份。」

例二：天后在節目中說：「擇偶條件呀……要愛我之餘，仲要愛埋我朋友同屋企人囉。」Mean精邊聽邊剪指甲邊有意當住她的前忠實fans說：「愛埋佢朋友同屋企人容易丫，不過要搵人愛佢就比較難少少咁囉。」

例三：Mean精有時也會自認錯誤：「我承認我以前係對佢地有偏見，成日話佢地講是非。查實佢地個個都唔知對方是敵是友，點可能交心呢，交心都白痴啦；況且佢地生活咁無聊又港女又公主又盛，唔講是非仲有咩好講丫。係我怪錯佢地。」

例四：Mean精也不是時刻自以為天下無敵的，例如他說：「條女係咪國務院外交部發言人？有佢講冇人講﹗」然後有人回答：「唔肯定喎，不過阿型佬話過條女係大洋國真理部的人，俾人地講，但只有佢講的才是真理。」他便會興高采烈地說：「Exactly﹗估唔到有人mean得過我。」

- 今集完 -