曾鈺成講人話

曾鈺成於立法會通過高鐵撥款翌日，就所謂的80後做出所謂的衝擊立法會事件作出回應，說：「民主應該講求包容。」

世上就是有些醒目的人，拿你相信、但他不信的那一套來對你指手劃腳，讓你駁斥不過他。民主當然講包容啦，但你總不能大石壓死蟹，野野要人家包容你，你卻一點也容不下別人丁點的意見。就像經常有人說，喂你係基督徒喎，好野來的，記得要咁咁咁同咁咁咁。你問他，其實咁咁咁同咁咁咁都好合理丫，係人都應該咁做，你又會唔會做呢，他卻會答，車，我都唔信既。

此外，有些人總認為別人做好事之前，首先要成為聖人。於是，只要你一不小心行差踏錯，例如講野大聲左少少、唔記得講唔該同多謝、唔小心咳左一聲或放左個屁、冇剪指甲或者冇刷牙，他便會立即挺身而出，當眾直斥你：「你呢種人咁唔乾淨，簡直唔文明，一睇已經知你做好事係有目的﹗講，你究竟居心何在？」

更有甚者，是將好人好事的詮釋權據為已有，例如我問問題等於克盡責任，你問的話就是拉布；我飲酒拍照是輕鬆消閒，你做則是唔莊重失體統；我堅持己見是忠於自我，你堅持則是野蠻無理；我咸濕是正常人慾，你咸濕擺明變態下流。

這時候，不要為自己爭辯了，爭贏也不見得有益。倒不如繼續擇善固執，待蓋棺之日才論定勝負吧。