【二百磅樓下】倒數第32日之散水餅

今天有同事告別大隊展開新生活，人非常好地買了好味道的散水餅。人家這麼誠意，我也不好虛偽推辭了，吃下一個栗子批。然後我見芝士餅樣子很可愛，又有同袍只吃一半，我也不好客氣了，吃下另外的半大件。

晚上放工，為了贖罪，專誠提早三個站下車，打算急步走回家消除卡路里。途經日式超市，買了一盒一人前壽司作晚餐。

【二百磅樓下】倒數第33日之BUT

由於之前太放縱，我今天開始不吃晚餐，效果頗良好，感覺身輕如燕。BUT，正如九把刀所說，人生最重要就是這個BUT……

【二百磅樓下】倒數第34日之唔好畀佢停

逃得到公司飯聚，逃不過心甘情願的家常便飯。破戒呢家野，真係一不離二二不離三啊。

我家陣唔敢拿個磅出來。

【二百磅樓下】倒數第35日之又破戒

大澳位於香港新界大嶼山西部，是香港現存最著名的漁村，村落部分位處大澳島上。大澳的水鄉風情獨特，故有「香港威尼斯」之譽。大澳於2006年獲由香港郊野公園之友會、國際獅子總會港澳三○三區及漁農自然護理署舉辦，「香港十大勝景選舉」第七名。大澳位處離島上，遠離煩囂的市區，較少受到都市化的影響，所以仍舊保留早期香港的漁村風貌。大澳風景秀麗盎然，水道上的高架屋──棚屋，是漁民的居所。河、涌有秩序地穿插於一排排的古老棚屋建築群，烘托出獨特的漁鄉風情。大澳傳統的鹹魚、蝦醬和魚肚遠近馳名。踏足大澳，遊客會感受到濃烈的海味味道。大澳和大嶼山本島之間曾建有橫水渡，亦是大澳特色之一，但現已被淘汰。

去旅行，除了看，當然還有吃啦。先來一個蝦醬炒飯及叉燒煎蛋飯，繼而有燒魷魚、燒魚子、豆腐花、沙爹魚肚、咖哩魚旦。返回東涌後，偷就腳，入了意粉屋，吃了個有白湯有薄餅有意粉有雪糕牛油餅碎蘋果批的甜蜜二人餐，之後才捨得回家。滿足啊。

我認，我有份食。高興嘛，冇所謂啦，聽日繼續減。

《正苦呻吟處》

改名，因為爸爸繼續做，但身份隨時改。故爸爸是法庭記者不永遠對。

但正苦呻吟處則千載不變。

【二百磅樓下】倒數第36日之破戒

今天早上，我兩公婆帶兩個仔去公園跑步，成功令他們睡了一個非常熟的午覺。趁這空檔，我和陳姑娘由土瓜灣行去新蒲崗再行去九龍城再行返去土瓜灣，為的是預備晚上的家族預祝阿川生日會。

我認，我有份食。高興嘛，冇所謂啦，聽日繼續減。

【二百磅樓下】倒數第37日之第一周結

每周總結。230.2磅﹗一周輕了八磅四﹗

請大家稱呼我決心皇吧﹗

【二百磅樓下】倒數第38日之沙律

連續兩天午餐吃沙律，感覺出奇OK，冇飯氣攻心，成個人fresh到好似用左零摩擦護翼加弱酸性透氣護墊咁，正呀。行步路都爽過人，直情有重新做人的感覺。

唔知可以橕幾耐呢。

【二百磅樓下】倒數第39日之目標訂立之我見

近來身邊的同仁及潛意識中的我，都對於我的大計不約而同提出數項質疑：

一. 為何時間咁急？
二. 為何要減磅咁多？
三. 做乜無端端要減？

其實，我不懂答。又或者咁講丫（呢句用來響前後唔啦間的情況下用來做轉折位真係正，戚其義好鍾意用架，之前我見過佢一集用左八九次，大家依家可以留意下天與地仲係咪咁），其實目標不就要訂個難做的才有意義嗎？

例如我話，我希望聽日過得開心，咁虛無縹緲到就算實現左自己都唔知。又例如我話，我希望聽日令人開心，喂我控制唔到個喎。又例如我話，我希望聽日可以使少一蚊，嘩你唔好話一毫子丫笨。

所以我覺得立志應該立個難度高的，然後盡力去做，那就算達成一半目標，都已經大有斬獲啦。立志立得低，我肯定，除非做到，否則做得個少少不如唔好做。情況就好似一個學生立志考第一，他成績一定不會差；但如果他立志考得不差過全班尾三，幾可肯定他會包尾囉。

【二百磅樓下】倒數第40日之一呼百應

話說我發出修身平天下的豪語，不少朋友先後向我提供餐單、方法、感想、經驗等，謹此鳴謝。其中鍾老師更立即與我live chat，推介不少有用網址，小弟受益不少。當中有一份「外出飲食寶鑑」，更有許多我想也想不到的知識，實是我輩神仙肚的恩物﹗現公睹同好如下：

資料來源：http://vipblog.orientalsunday.hk/yokot/?p=3247

【二百磅樓下】倒數第41日之病

當然我可以歸咎於昨日風太大穿太薄玩太癲睡太少。但其實如無意外，應該係食唔夠。

上午工作時，已經腳步浮浮頭暈暈，又想痾又作嘔。知情行家問，你面青口唇白喎，今朝食乜呀。我答，麥皮。行家哦一聲，露出一副唔怪之得表情，話，冇蛋白質喎。我問乜要架咩。只怪自己想減肥又不尋求專業協助，搞到一知半解。

下午真係頂唔順，呆坐記者室等一隻未必出現的畸士，結果真的沒有，昏昏沉沉趕回家睡，黃昏時醒來，一探，37.9度。好狠辛苦。

想找放工回來的陳姑娘安慰一下。發覺她在廁所又痾又嘔。唉，算了，她應該有38度吧。

【二百磅樓下】倒數第42日之少量運動日

回想我讀書那些年，人雖肥，但仍保持每周跑步四五次每次至少跑四十五分鐘。哪會像這些年般步又唔跑水又唔游山又唔行波又唔打又唔踢剩係望咁慘烈。加上廿五歲後真係感覺到身體個新陳代謝謝晒，唔肥就假。

其實多左兩個仔之後，情況是好轉了點，例如抱得仔多，手臂firm左，條腰有力左。不過運動僅此而已。今日情況算很好了，一家去了九龍城寨公園行下玩下咁就兩粒鐘，然後到我媽家，玩左一陣kinect sport 2，周身郁，好累。

晚上，媽媽又肉又菜又湯。唔，放鬆一下吧。

【二百磅樓下】倒數第43日之潛逃唔到

個題太長，改短至五個字算了，但年底達成目標決心，始終如一。

今天早餐只吃了碗麥皮，中午接陳姑娘放工前買了份三文治吃，然後看了一齣電影。

全套戲可以用一個字來形容：虎頭蛇尾。難得睇齣戲都搞成咁，這是否預示我的計劃也會爛尾呢？不知道，我只覺得邪。

晚上在家弄了個雞絲沙律，買了幾件壽司，本應很瘦。但川仔唔生性，晚餐食剩好多蕃茄通粉，冇人食，唔留得，我又唔抵得頸，結果幫個仔捱義氣硬食。仍然離不開食二手飯的命運。咁搞法真係弊。

【我決定今年之內減到二百磅樓下】倒數第44日之第一天

今天是第一天正式開始稱霸天下的計劃，首先講講是日聲單，因為多數博客事必要係咁上載今日食過乜的相片，減肥博客更不能倖免啦當然。

早餐

我滿心歡喜，覺得我可以食這麼份量少的早餐真難得。

後來才得知，原來減肥期間很忌食香腸餐肉等食物。頂。

午餐

雲吞麵加走油菜。那堆蠔油我真的望都冇望過。

晚餐

我昨晚已經叫住個工人姐姐「我on diet呀唔好煮咁多」。詎料她今日仲要比平時煮多一味。仲有，排骨佢真係好似唔肥唔買。

我再次義正詞嚴地對她千叮萬囑：「我on diet呀唔好煮咁多呀。」你估她點反應？她說：「okay sir, hahahahahahahahahahahahahahahahaha……」一路笑一路行入廚房。嘩，呢種乜野態度？

順便post多張磅數相做個紀錄。238.6啊，即是仲有38.7。我係咪真係要考慮下吊鹽水？

【我決定今年之內減到二百磅樓下】倒數第45日之我決定減肥

肥可以很討人可愛，也可以很討人厭。當然人家如何看肥人，我是不用理會也理會不到的。但說實在，肥的確是壞。就只說行路吧，肥人行路慢，又跑唔快，仲要欠速度，又會喘大氣，又會流大汗，大腿兩邊內側不斷磨擦令堅強的牛仔褲往往夭折，買褲又難買啦始終香港肥人褲專門店唔多執下一間執下又一間，行多兩步或者上落樓梯雙膝仲會有時痛到想跪地，有時見到街上青春少艾穿上緊身衣物時上面波濤洶湧而我就特登穿鬆身衫都搞到中間呼之欲出，想起也覺忐忑。

但，信不信由你，我在這個步向中年的關鍵時刻，決定要減肥，以上原因皆否。我只是想減肥，僅此而已，沒有甚麼目的。要說有目的，其實，我就只是想給自己一個目標而已。

因為，都到了這個年紀，心中其實有很多計劃想實行，例如想改變這世界。但那天我呆坐在一道舊樓暗黑樓梯等候工作時，忽發奇想，如果我連改變自己身體的勇毅都沒有的話，我有甚麼資格走下一步？古語說得好：「修身，齊家，治國，平天下。」可見一個人若要稱霸天下，必先要修身。

於是，我在facebook打下這一句：「我決定今年之內減到二百磅樓下。」

我要公諸於世，因為如果只得我自己知道自己的計劃，那麼不出三日，世上便再沒有人知道這個計劃的存在。所以，我要大家都知道，到時我便沒有退路。

果然，鼓勵與鞭策排山倒海。至截稿時留言如下：依家已經11月。。。可以極速減嗎？ / 你而家201磅？ / 但你而家幾多先？ / Support good sign / 你唔想同我老世同等級了? 令人懷念的熊貓couple / 今年? / easy, let us help you / Or...原來你喺二百磅樓上既.... / 幾時再去食自助餐？ / 你想打二百鎊咋卦 / 十二月前打多轉邊爐啦 / 無野既，做人既野，好快就習慣認輸同放棄架啦

於是我又留言：「我唔怕話埋畀大家知我依家重達235磅，但既然有人宣稱 Lost 30 pounds in just 4 weeks，我是鐵了心了。不用勸止我了，鞭策我吧。」

然後再有回應如下： 哦，你基數大，%唔係好高，無問題呀 / Ging! Support / 咁鬼唔望你真係天天被別人屈你宣稱Lost 30 pounds in just 4 weeks! / 聽說你上次食novete肚瀉bor....去食多幾次啦~~(本人澄清：肚瀉那間是六國) / surely will be good to you, but dun rush because of competition or whatsoever for your health sake :-) / 好！ / I super support u. what's the plan for this target, at least must eat less (say 70% full) + exercise.

至於當面對我的建議也有，「你可以做多些運動，之前我老公日日做運動，一個月減左六磅」，「一個月減三十磅？你剩係吊鹽水都冇可能呀我話你聽」，「你有冇諗過切左個胃」。

嘿嘿，總之，冇人可阻止我了。今次我完全是不成功不收費便成仁。至於如果唔成功要點成仁，我暫時未諗到。

「工欲善其事，必先利其器」，要減肥，首先要預備甚麼呢？畀三秒鐘大家估下……

……

……

……

開估未？

無錯，就是磅。

除了買磅，我其他付諸了的行動還包括早餐吃了一大碗無糖麥皮。是麥皮﹗我討厭到叫自己個仔唔好食的麥皮﹗今次我仲唔贏？

放工回家，我見菲傭正準備晚餐，隨口問她弄了甚麼。「Fried pork chop ar, sir.」Shit，我唔記得菲傭係冇add我facebook架﹗