【二百磅樓下】倒數第42日之少量運動日

回想我讀書那些年，人雖肥，但仍保持每周跑步四五次每次至少跑四十五分鐘。哪會像這些年般步又唔跑水又唔游山又唔行波又唔打又唔踢剩係望咁慘烈。加上廿五歲後真係感覺到身體個新陳代謝謝晒，唔肥就假。

其實多左兩個仔之後，情況是好轉了點，例如抱得仔多，手臂firm左，條腰有力左。不過運動僅此而已。今日情況算很好了，一家去了九龍城寨公園行下玩下咁就兩粒鐘，然後到我媽家，玩左一陣kinect sport 2，周身郁，好累。

晚上，媽媽又肉又菜又湯。唔，放鬆一下吧。