曾經有個朋友，和他合作無間，做過大小不同的計劃。後來，他結婚了，生子了，大家往來也少了。有一次，我打算開展一個新計劃，於是致電他，邀請他再戰江湖。他說他要考慮一下，幾天後，他回電，說沒空，推卻了我。
為此我心中不斷暗自埋怨他，負面想法一個接一個，「一次半次咁都托手掙」、「預早約定你啦，有冇咁忙呀」、「係啦我是甚麼呢人家不會將我放在眼內囉」、「我當佢知已，佢當我鹵味」、「總之你就巴之閉啦」……
直至我也結了婚，生了仔，一切謎團經已解開，愁怨立即煙消雲散。原來，只是一次半次都真係冇辦法唔托手掙，預早約定都冇用因為每日都咁忙，就算我當你是甚麼都抽不到身把你放在我眼內，我仍然當你是知已，只不過我已經忙到變成鹵味，總之巴閉的不是我而是我闔家。我一日未試過，一日都唔知原來咁刺激。
想到當年我對友人的上綱上線，真是要陳奕迅上身唱「良~~心有愧」呀。
沒有留言:
發佈留言