財爺望下呢邊丫唔該

我並未富有到可以置業安居，所以免收差餉不干我事；可是政府又覺得我逗緊果一萬幾千蚊人工，賓在係太有錢了，所以申請不到公屋，免租也不干我事。

然後，我畢業已經很多年了，所以領取學津有芯紅分﹐又不關我事。出來社會一直打份牛工，唔係老闆，免交商業登記又不關我事。

冇人幫，唯有自己努力。可是當你辛勤工作也不保證每年有雙糧時﹐原來拿綜援的人卻可領雙糧過肥年。

結果，有錢人歡喜，冇錢人莫愁，剩得我也呢種人企左響度，唔知似乜。

曾財爺，望下呢邊丫唔該，仲有人響度揮手架。你話，望唔到你喎，你響邊呀。哦冇，我響逆境咁啫。此時，曾財爺應該會答：「我已經聽到你的聲音，我明白你的意見，我會密切留意事態發展。Next﹗」