咳

自生日後，咳了大半個月，起初連個肺也差點由頭版咳剩個簡訊。後來真的頂唔順，不能再諱疾忌醫，便去了川仔到過的那間私家醫院接受治療，花了三百元吃了四日藥，結果咳得仲犀利。最終竟然靠鴻叉堂做緊特價十四元一樽的川貝雪梨茶醫好了。

不幸的是，只醫好了一半，日頭果半。夜晚果半，尤其是寅時、亦即凌晨三時至五時肺經血氣最旺盛時，咳得最勁，根本睡不到，辛苦非常。結果連寫blog的淫慾也失去了。

同事W見我顧己及人地戴上口罩，罕有地兼認真地一錘定音：「你這是氣管敏感，冇三五七年都好唔返﹗」我連續擔心了數天，然後，W漫不經心地澄清：「原來氣管敏感都可以好快好返。」令正在撰寫遺書的我，急急收筆，改為寫入稟狀，希望可以因為心靈受創而索償，好賺點奶粉錢。