【二百磅樓下】倒數第25日之驅魔人

話說我細仔條頸有少少歪。佢阿媽陳姑娘於是帶佢去睇物理治療。

治療師話，有一個動作，可以測試兼治療小朋友的輕微歪頸問題，就是將小朋友條頸分別向左向右扭130度。陳姑娘仍然如在夢中，隨口問，130度？治療師答，係呀，大人就唔得，但小朋友肌肉柔軟，唔會有事。

陳姑娘問，咁痛唔痛架？治療師話，痛唔痛我就唔知，但肯定唔會有事，不過可能有小朋友會緊張得滯喊左出來，其實好安全，不過我地多數建議家長唔好望住，費事緊張埋一份。咁，楊太你望唔望住丫？陳姑娘答，梗係望住啦。

據陳姑娘事後憶述，細仔當時情況就好像驅魔人電影中的上身小女孩在床上回頭的那一幕：

陳姑娘謂，當時她強作鎮定；而同行的工人姐姐由於不諳粵語，不知道即將發生的事，所以一見便大叫，應該因為咁，嚇喊左細仔。

回家觀察，我們發覺，咦，條頸又真係好似直返喎。

其實，係囉，有些事你以為好難，到最後冒死去做，你會發現，輕鬆晒，同埋，都唔係想像中咁難啫。