【二百磅樓下】倒數第41日之病

當然我可以歸咎於昨日風太大穿太薄玩太癲睡太少。但其實如無意外，應該係食唔夠。

上午工作時，已經腳步浮浮頭暈暈，又想痾又作嘔。知情行家問，你面青口唇白喎，今朝食乜呀。我答，麥皮。行家哦一聲，露出一副唔怪之得表情，話，冇蛋白質喎。我問乜要架咩。只怪自己想減肥又不尋求專業協助，搞到一知半解。

下午真係頂唔順，呆坐記者室等一隻未必出現的畸士，結果真的沒有，昏昏沉沉趕回家睡，黃昏時醒來，一探，37.9度。好狠辛苦。

想找放工回來的陳姑娘安慰一下。發覺她在廁所又痾又嘔。唉，算了，她應該有38度吧。