旅程由崎嶇開始

旅行社：「楊生，你既套票辦好左喇，到時麻煩你去崎嶇果度搵我地同事拿機票啦。」
楊生：「崎嶇？邊度崎嶇呀？」
旅行社：「你去到就知邊度崎嶇架啦，好易搵的。」
楊生：「咩呀？咪住先，崎咩嶇呀，你講笑咋下話？」

雞同鴨講一大輪之後，我先知道，原來旅行社小姐係叫我去機場大樓個K區。

貴人出門招風雨。我記得媽媽曾對我說，話我的生命是寶貴的。我以前唔信，依家信晒。我諗，我同陳姑娘應該真係幾貴下，人去四日，雨就落足四日。

我為此怨天怨地怨空虛一番，陳姑娘白了我一眼，說，咁你都畀晒錢啦，唔通唔去咩，到時先見步行步啦。又係喎。

八月再見。