點雪糕

老夫老妻食過晚飯，走到哈根大師，看看有甚麼新款式好吃。

我和陳姑娘不約而同看中一款，但名字太青春了，不太好叫出口。我見圖畫中又雪糕又香蕉又盛咁，於是我靜靜地對那侍應哥哥說：「唔該……唔該我想要呢款香蕉船丫。」

好傢伙，那廝竟然埋滿笑容狀甚禮貌周周地高聲回應：「哦，先生你要我地的新出品『愛情號』嗎？好﹗先生，『愛情號』係可以選三款口味的雪糕架，咁你想選邊三款雪糕放在『愛情號』上呢？」重複產品名字三大次，成間店都聽到，佢公司真係多得佢唔少，我都係。

幸好陳姑娘當時發緊呆，不然肯定會當場大笑，就如事後我向她覆述時的情況一樣。