近來途經家門的小巴紛紛加價，有一線最離譜，加了足足兩元。不過，或許由於我們處中途站，身份尷尬，有些司機大佬會向上車乘客解釋：八達通機轉唔切姐，俾散銀啦，俾散銀就照舊價。我們當然樂於遵命。
前幾天，陳姑娘上車，罕有地發揮謹慎精神，多口問多句：係咪俾散銀就照舊價？詎料當值司機突然發難咆哮：梗係唔係啦，蝕死咩，你做老闆都唔會咁做啦下話。陳姑娘罕有地不甘示弱回敬：你地有同事講過個喎，唔係我作架。當值司機更大聲地咆哮：我地都查緊邊個咁大整蠱，亂狗咁講，搞到老闆詐晒形……
陳姑娘最後無奈付款，事後只好向我訴苦。安慰陳姑娘之餘，我名捕冷血無情追命手細心推理分析，認為那個當值司機極可能就是當日放流料之人﹗情形就好像小人在升降機中放屁後必定會首先挺身而出高呼「嘩邊個放屁咁無品呀」一樣。嘿嘿，我名捕冷血無情追命手果然明察秋毫。
沒有留言:
發佈留言