奧運精神

京奧臨近，昨天大圍食住個勢執了單京奧冒牌貨案件，以為老細會很喜歡，誰知她一句「貨又少錢唔多仲要唔係第一單」，一打便打落到500字樓下。都好，最怕寫新聞稿，寧願寫下故仔好過。

說起奧運，你說我後知後覺也要講，運動本應真係同政治分開的。當年，都唔知邊年，古老奧運都係為左各國和平地於運動場上一較高下，而傳聖火更加係為左向各國宣佈「要停戰啦，老友，唔好搞事住」。雖然，西方諺語有云：「我反對你的觀點，但是我誓死捍衛你發言的權利」，不過，看到各國領袖在京奧前抽水插中共政府，無啦啦又有一大班唔知咩鬼的示威者出來撈油水，心中還是有點不明所以。我強調，我唔係糞青。

不過，運動同政治分開，話咁易咩？最多咪好似那些廿七流主人咁樣，呢頭講完「友誼第一比賽第二，拿幾多獎牌唔重要，奧運精神至重要」，轉個頭即講「中國加油，拿晒全部金牌啦，勁呀，我地先至係奧運，人地唔係」，吹脹囉。