邊個唱架咁難聽既

周六回外家吃飯，飽餐後即時盤踞梳化，陪外母看師奶股神大結局。

由於我和陳姑娘都未看過此劇，順理成章我們也首次聽到主題曲。我對陳姑娘說：「歌詞好爛啊，仲有，邊個唱架？咁難聽既﹗慌唔係又係個高層千金Toby咩。」陳姑娘點頭稱是。

全劇完，出字幕，陳姑娘赫然發現：「咦，乜首主題曲係謝安琪唱架？」我側耳細聽，確認了這點。我和陳姑娘四目交投，相對無言。過了一會，我真心誠意、卻故作漫不經心地說：「其實首歌都唱得幾好聽丫。」陳姑娘點頭稱是。